ABŞ Dövlət Departamenti Venesuelada yaşayan öz vətəndaşlarını “dərhal” ölkəni tərk etməyə çağırıb.
Referans Media xəbər verir ki, ABŞ Dövlət Departamentinin veb-saytı Venesuelaya səfər edən və ya daimi yaşayan ABŞ vətəndaşları üçün ilk dəfə may ayında dərc edilmiş və tam nəzərdən keçirildikdən sonra dəyişdirilmədən yenilənmiş 4-cü Səviyyə “Səyahət etməyin” məsləhətini yenidən yayımlayıb.
Xəbərdarlıqda bildirilirdi ki, Venesuelada qalan ABŞ vətəndaşları “ədalətsiz həbs, həbsdə işgəncə, terrorizm, adam oğurluğu, vətəndaş iğtişaşları riskləri ilə üzləşirlər”. Xəbərdarlıqda Venesuelada qətl, silahlı soyğunçuluq, adam oğurluğu və avtomobil oğurluğu kimi zorakı cinayətlərin tez-tez baş verdiyi bildirilib. Polis və təhlükəsizlik qüvvələrinin demokratiya tərəfdarı və ya rejim əleyhinə nümayişlərə qarşı “vəhşicəsinə repressiya” həyata keçirdiyi qeyd edilib.
Dövlət Departamenti Venesuelaya getməli olanlara vəsiyyətnamə hazırlamaq, peşəkar mühafizə qrupu işə götürmək və tibbi təxliyə sığortası almağın vacibliyi vurğulanıb.
