Vaşinqton ABŞ prezidentinin xüsusi elçisi Stiv Uitkoffu İranla münaqişənin həlli danışıqlarından kənarlaşdırmaq niyyətindədir.
Referans Medias xəbər verir ki, bu barədə “Fars” xəbər agentliyi məlumat yayıb.
Məlumatda deyilir ki, danışıqlara vitse-prezident Cey Di Vens rəhbərlik edəcək. Agentliyin mənbəsi iddia edib ki, Tramp açıq-aydın görüş və razılaşmaya can atır.
O, agentliyə izah edib ki, Vaşinqton bu addımı Uitkoffun İsrail Baş naziri Binyamin Netanyahunun çevrəsinə yaxınlığı səbəbindən atır.
Bildirilir ki, Vensin iştirakı ilə danışıqlar İranın tələblərinə cavab olaraq “daha ciddi bir yol qurmaq” üçün zəruridir.
