Bəzi araşdırmalar və davranış analizləri göstərir ki, insanların maliyyə vərdişləri onların doğum tarixləri ilə müəyyən qədər əlaqəli ola bilər.
Referans Media xəbər verir ki, ayın müəyyən günlərində dünyaya gələn şəxslər daha emosional, impulsiv və riskə meylli olduqları üçün pul xərcləməkdə daha sərbəst davranırlar. Bu xüsusiyyət isə onların “bədxərc” kimi xarakterizə olunmasına səbəb olur. Araşdırmamıza görə, xüsusilə ayın 3-ü, 5-i, 9-u, 14-ü və 15-də doğulan insanlar daha aktiv və enerjili xarakterə malik olurlar. Onlar həyatdan maksimum zövq almağa çalışdıqları üçün tez-tez plansız alış-veriş edir, ani qərarlarla xərclərini artırırlar. Bu şəxslər üçün emosional vəziyyət də mühüm rol oynayır, yaxşı əhval-ruhiyyə və ya stress anlarında xərcləmə davranışı daha da güclənə bilər.
Nəticədə isə uzunmüddətli maliyyə planlaşdırması arxa plana keçir. Mütəxəssislər bildirirlər ki, bu tip insanlar üçün büdcə planlaması və maliyyə intizamı xüsusi əhəmiyyət daşıyır. Onlara xərcləri əvvəlcədən planlaşdırmaq, qənaət vərdişləri formalaşdırmaq və impulsiv alış-verişdən uzaq durmaq tövsiyə olunur. Bununla yanaşı, qeyd edilir ki, doğum tarixinə əsaslanan bu cür yanaşmalar ümumi müşahidələrə söykənir və hər bir fərdin maliyyə davranışı onun tərbiyəsi, sosial mühiti və şəxsi qərarları ilə daha çox formalaşır.
