ABŞ Mərkəzi Komandanlığının (CENTCOM) rəhbəri admiral Bred Kuper prezident Donald Trampa İrana qarşı mümkün hərbi güc tətbiqi ilə bağlı təkliflər təqdim edib.
Referans Media xəbər verir ki, məlumatı X hesabında Amerikanın Axios portalı və İsrail televiziyasının 12-ci kanalının müxbiri Barak Ravid ABŞ rəsmisinə istinadən yayıb. O qeyd edib ki, Kuper “cümə axşamı günü prezident Trampa İrana qarşı hərbi əməliyyat variantları barədə məlumat verib”. Ravid ABŞ tərəfinin bu məsələ ilə bağlı hər hansı bir qərar qəbul edib-etmədiyini dəqiqləşdirməyib. CENTCOM-un əməliyyat sahəsinə əsasən Yaxın Şərq daxildir./Musavat.com
