Türkiyənin tanınmış müğənnisi və aparıcısı Fatih Ürek infarkt keçirib.
Referans.az xəbər verir ki, 59 yaşlı sənətçi hazırda özəl xəstəxananın reanimasiya şöbəsində müalicə alır. Həkimlərin verdiyi məlumata görə, ilk 6 saat onun həyatı üçün həlledici olacaq.
Jurnalist Birsen Altuntaş sosial şəbəkə hesabında paylaşaraq sənətçinin səhhəti barədə məlumat verib:
“Fatih Ürek infarkt keçirərək xəstəxanaya yerləşdirilib. Hazırda reanimasiyadadır, vəziyyəti diqqətlə izlənir.”
Sənətçinin yaxın dostu, aktyor Onur Akay da Ürekin Etilerdəki klinikada müalicə aldığını təsdiqləyib.
