Taylandın Khao Yai Milli Parkında düşərgə quran bir şəxs filin hücumu nəticəsində ölüb.
Referans Media xəbər verir ki, Bangkok Post qəzetinin məlumatına görə, parkdakı düşərgə sahəsində saat 05:30 radələrində gəzintiyə çıxan 69 yaşlı turist çadırının yaxınlığında bir fil ilə qarşılaşıb.
Şahidlərin verdiyi məlumata görə, meşə sərhədinin kənarında dolaşan fil turisti hortumu ilə tutaraq yerə yıxıb və üzərinə basaraq onu əzib.
Digər düşərgəçilər təhlükəsizlik səbəbi ilə müdaxilə etməyiblər və turist çadırından təxminən 20 metr uzaqlıqda baş verən hadisə yerində həyatını itirib.
Hadisə barədə məlumat verildikdən sonra Milli Park əməkdaşları və polis filin ərazidən uzaqlaşdırılmasını təmin edib.
Səhiyyə işçilərinin apardığı yoxlamada turistin üzv və bədənində sümük sınıqları və müxtəlif bölgələrdə ağır xəsarətlər olduğu təsbit edilib.
Həyatını itirən turistin adı Jirathachai Jiraphatboonyathorn olaraq açıqlanıb.
