Liviyanın cənub-şərqində yerləşən Kufra şəhərində helikopterin qəzaya uğraması nəticəsində göyərtədə olan 5 nəfər həyatını itirib.
Referans Media xəbər verir ki, Kufra şəhərinin bələdiyyə sədri Məhəmməd Abdurrahim Bumerizin verdiyi məlumata görə, hadisə Kufradakı Əs-Sarrə Hava Bazasında baş verib. Bildirilib ki, helikopter təcili tibbi yardım (hava ambulansı) xidməti göstərdiyi zaman qəzaya uğrayıb.
Bələdiyyə sədri həlak olan şəxslərin ailələrinə səbir və başsağlığı verib.
