Aleksandr Lukaşenko ilə bağlı şəxsi həyatına dair iddialar beynəlxalq və regional mediada gündəm olub.
Bəzi rus və Belarus mənbələrinə istinad edən məlumatlarda, 22 yaşlı model Aliyə Korotkayaın Belarusda keçirilən müxtəlif rəsmi və ictimai tədbirlərdə Lukaşenko ilə yanaşı göründüyü iddia edilir.
Referans Media xəbər verir ki, Korotkaya son aylarda dövlət səviyyəli tədbirlərdə, o cümlədən rəsmi qəbul və idman tədbirlərində Lukaşenko ilə birlikdə iştirak edib. Bu görüntülər sosial mediada və bəzi media orqanlarında müzakirələrə səbəb olub.
İddialarda qeyd olunur ki, gənc model müxtəlif yerli və beynəlxalq gözəllik yarışmalarında iştirak edib. Onun Belarusdakı bəzi rəsmi mədəni layihələrlə də əlaqəsinin olduğu bildirilir.
Bəzi xarici media orqanları və sosial platformalarda yayılan xəbərlərdə Lukaşenko ilə Korotkaya arasında “yaxın münasibət” olduğu iddia edilsə də, bu məlumatlar rəsmi mənbələr tərəfindən təsdiqlənməyib. Hazırda bu iddialarla bağlı rəsmi açıqlama yoxdur.
Vladimir Putin ilə yaxın münasibətləri ilə tanınan Belarus lideri, uzun illərdir ölkəni idarə edir və regionda Rusiya ilə strateji əməkdaşlıq xəttini davam etdirir.
Müşahidəçilərə görə, bu tip şəxsi həyatla bağlı iddialar tez-tez sosial mediada gündəmə gəlsə də, rəsmi təsdiq olmadan ehtiyatla qiymətləndirilməlidir.
