Meksikanın paytaxtı Mexikodan təxminən 50 kilometr qərbdə kiçik təyyarənin qəzaya uğraması nəticəsində azı 7 nəfər dünyasını dəyişib.
Referans Media xəbər verir ki, Mexiko Şəhər Mülki Müdafiə Koordinatoru Adrian Hernandesin verdiyi məlumata görə, Toluka hava limanından təxminən 5 kilometr məsafədə fövqəladə eniş etməyə çalışan kiçik təyyarə yerə çırpılıb.
Hernandes bildirib ki, təyyarədə 8 sərnişin və 2 ekipaj üzvü olmaqla ümumilikdə 10 nəfər qeydiyyatda olub. Hazırda 7 nəfərin meyiti aşkar edilib.
Qəzanın başvermə səbəblərinin müəyyənləşdirilməsi istiqamətində araşdırmalar davam etdirilir.
