Pakistanın Xayber-Paxtunxva əyalətinin Bacaur rayonunda partlayıcı maddələrlə yüklənmiş avtomobildə olan terrorçu hərbi düşərgənin ərazisinə daxil olub və partlayıcı qurğunu işə salıb.
Referans Media xəbər verir ki, partlayışdan dərhal sonra digər terrorçular hərbçilərə atəş açıblar. Nəticədə 9 hərbçi həlak olub, 20-dən çoxu yaralanıb.
Qeyd edək ki, Xayber-Paxtunxvadakı radikal qruplaşmalar qondarma Vəziristan İslam Dövləti yaratmağa çalışırlar. Bölgə Əfqanıstanla sərhəddə, qəbilə ərazilərində yerləşir.
