Ev pişiklərində xərçəngin ilk genetik xəritəsi xəstəliyin insan versiyaları ilə oxşarlıqlarını ortaya qoyub və yeni müalicə üsullarına yol açacaq.
Referans Media xəbər verir ki, Cambridge-dəki Wellcome Sanger Institute rəhbərliyində 500 pişiyin şiş DNT-ləri analiz edilərək əsas genetik mutasiyalar müəyyən edilib. Nəticələr göstərir ki, pişik və insan genləri bir çox cəhətdən oxşardır və şişlərin böyümə proseslərini paylaşırlar.
Ekspertlər, xüsusilə “triple negativ” döş xərçəngi növünü başa düşməkdə pişiklərin vacib rol oynayacağını bildiriblər. Prof. Geoffrey Wood əlavə edib ki, ev heyvanları insanlarla eyni ətraf mühitə məruz qalır, bu da xərçəng riskini öyrənməyə imkan verir.
Tədqiqat Science jurnalında dərc olunub və növlərarası genetik xəritələndirmədə yeni dövr açıb.
Gülnaz Abdullazadə.
