Azərbaycan Premyer Liqasında VI tura yekun vurulub.
Referans xəbər verir ki, turun son oyununda “Sabah” “Sumqayıt”ı qəbul edib.
“Bank Respublika Arena”da təşkil olunan görüşdə qalib müəyyənləşməyib – 1:1.
“Bayquşlar”dan 26-cı dəqiqədə Coy-Lens Mikels, “kimyaçılar”dan isə 35-ci dəqiqədə Rüstəm Əhmədzadə adını tabloya yazdırıb.
Bununla da xallarının sayını 11-ə çatdıran “Sumqayıt” 3-cü pilləyə yüksəlib. “Sabah” 8 xalla 7-cidir.
Qeyd edək ki, Premyer Liqada VII turun oyunları 3-5 oktyabrda keçiriləcək.
