Oktyabrın 13-dən başlayaraq həftə ərzində Moskvada temperatur kəskin enəcək, güclü yağış olacaq.
Referans.az xəbər verir ki, bu barədə Rusiya Hidrometeorologiya Mərkəzinin elmi direktoru Roman Vilfand məlumat verib.
O bildirib ki, bazar ertəsindən başlayaraq havanın temperaturu 10 dərəcə Selsiyə yaxınlaşmayacaq.
“Gündüz temperatur 5-8 dərəcə Selsi arasında dəyişəcək, bu da iqlim normasından aşağı olacaq. Gecələr havanın temperaturu 2-4 dərəcəyədək enəcək. Şaxtalar Mərkəzi Rusiyaya qayıda bilər”, – Vilfand xəbərdarlıq edib.
