İrəvan məhkəməsi Xankəndidə vaxtilə qondarma şəhər “rəhbəri” kimi təqdim olunan David Sarkisyan və şəhərin qondarma “Ağsaqqallar Şurası”nın daha 5 üzvü barəsində bəraət hökmü çıxarıb.
Referans Media xəbər verir ki, bu barədə məlumatı hüquqşünas Ruben Melikyan sosial şəbəkələrdə paylaşıb.
Məhkəmə prosesi təxminən 1,5 il davam edib.
Məlumata görə, təqsirləndirilən şəxslər əvvəlcə özbaşınalıq, daha sonra isə dələduzluq və dörd avtomobilin mənimsənilməsi maddələri ilə ittiham olunurdular. Lakin araşdırma zamanı ittihamların əsassız olduğu qənaətinə gəlinib.
