Son
dövrlərdə Azərbaycanda keysəriyyə əməliyyatlarına maraq artıb. Ana olmağa
hazırlaşan qadınların əksəriyyəti artıq aylar öncədən doğuşun bu şəkildə həyata
keçirilməsi ilə bağlı qərar verirlər.
Bəs xanımların bu
üsula üstünlük vermələrinin səbəbi nədir? Hansı hallarda bu üsulun seçilməsi məsləhət
görülür?
Mövzu ilə bağlı
mama-ginekoloq Rəşad Sultan Referans-a açıqlamasında danışıb.
“Birmənalı olaraq təbii
doğuş daha məqsədəuyğundur. Qeysəriyyə isə sadəcə bir əməliyyatdır və hər əməliyyat
kimi ona göstərişlər lazımdır. Bu səbəblər də doğuşun gedişi zamanı ana və uşaq
üçün təhlükə varsa, doğuş mexaniki şəkildə mümkün deyilsə, o zaman qeysəriyyəyə
əl atılır. Bəs nəyə görə səbəbsiz qeysəriyyələr həm Azərbaycanda, həm də bütün
dünyada üstünlük təşkil edir? Buna üstünlük verən təkcə qadınların özləri
deyil. Buna bəzən onların ətrafında ailələr və həkim də təkid edə bilir.
Xanımlar özləri isə adətən iki səbəbdən bunu seçir. İlk ağıla gələn səbəb doğuş
sancısından qorxmalarıdır. İkinci səbəb isə uşaqlıq yolunun genişlənməsindən,
oradakı kəsiklərdən və yırtıqlardan çəkinmək, doğuşun uzun illər sonrakı fəsadlarından
qorxmaqdır”.
Rəşad Sultan qeyd
edib ki, qeysəriyyənin daha üstün olmasının əsas səbəblərindən biri isə Azərbaycan
xalqının səbəbsiz olmasıdır. Belə ki, təbii doğuş uzun müddət davam edən bir
proses olduğuna görə qeysəriyyənin daha rahat olduğu düşünülür.
Fidan Vəlisoy
