Şri-Lankada leysan yağışların səbəb olduğu sel və torpaq sürüşmələri nəticəsində 31 nəfər ölüb, 14 nəfər itkin düşüb.
Referans MEDİA xəbər verir ki, ötən həftədən Şri-Lankanın bəzi hissələrinə təsir edən güclü yağışlar sel və torpaq sürüşmələrinə səbəb olub.
Evləri, əkin sahələrini, yolları su basıb. Qayaların və ağacların relslərə aşması səbəbindən qatarın hərəkəti dayandırılıb. Təbii Fəlakətlərin İdarə Edilməsi Mərkəzi (DMC) 31 nəfərin öldüyünü, 14 nəfərin itkin düşdüyünü bildirib.
Sürüşmə nəticəsində 400-ə yaxın evə ziyan dəyib, 1100-dən çox ailə müvəqqəti sığınacaqlara köçürülüb. Çaylarda suyun səviyyəsinin qalxdığı bildirilib və alçaq ərazilərdə yaşayan insanlara hündür yerlərə köçmələri barədə xəbərdarlıq edilib.
