Avropa Birliyi (AB) Şurasının sədri Antonio Kosta bildirib ki, AB və üzv ölkələr 2028-ci ilə qədər müdafiə xərcləri üçün 800 milyard avro ayıracaq.
Referans Media xəbər verir ki, AB və üzv ölkələri 2024-cü ildə müdafiə sahəsində 343,2 milyard avro sərf edib. 2025-ci ildə bu xərclərin 381 milyard avroya çatacağı gözlənilir. 2028-ci ilə qədər isə müdafiə xərcləri üçün nəzərdə tutulmuş vəsaitin həcmi 800 milyard avro təşkil edəcək.
Brüsseldə keçirilən NATO Parlament Assambleyasının Birgə Komitə İclaslarında Antonio Kosta vurğulayıb ki, Avropanın müdafiə qabiliyyətinin artırılması NATO-nun gücünü də möhkəmləndirəcək.
Antonio Kosta sosial media paylaşımında Avropanın müdafiə potensialının strateji əhəmiyyətini qeyd edib və deyib: “AB və üzv ölkələr 2028-ci ilə qədər müdafiə xərcləri üçün 800 milyard avro ayırır.”
O həmçinin qlobal sülh və beynəlxalq hüquq prinsiplərinə diqqət çəkərək, “İstər Ukraynada, istərsə də Qrenlandiyada olsun, daimi sülhün təmin olunması üçün çalışırıq” deyib.
Son beş ildə AB-nin müdafiə xərclərində ciddi artım müşahidə olunur. 2024-cü il üçün 343,2 milyard avro olan xərclərin 2025-ci ildə 381 milyard avroya yüksəlməsi, 2028-ci ilə qədər 800 milyard avro hədəfinə çatmaq üçün davamlı artımın göstəricisidir.
