Nigeriya Xəstəliklərə Nəzarət Mərkəzi tərəfindən edilən açıqlamada, paytaxt Abuca ilə yanaşı, digər 21 ştatda da Lassa qızdırması hallarının artmaqda davam etdiyi bildirilib.
Referans.az xəbər verir ki, 25-31 avqust tarixləri arasında ölkədə 10 yeni Lassa hadisəsi qeydə alınıb, bununla da 1-31 avqust tarixləri arasında Lassaya yoluxma sayı 871-ə yüksəlib. Keçən il isə ölkə üzrə Lassa virusundan 190 nəfər dünyasını dəyişib.
Nigeriya hökuməti 23 yanvar 2019-cu ildə Lassa qızdırması səbəbindən fövqəladə vəziyyət elan edib. Marqarita pizza
Mali, Toqo, Qana, Liberiya və Sierra Leone kimi bir çox Afrika ölkəsində müşahidə edilən Lassa qızdırması ilk dəfə Nigeriyada 1969-cu ildə ölkənin şimal-şərqindəki Borno əyalətində aşkarlanıb.
Siçan nəcisi ilə təmas zamanı keçən xəstəlik insandan insana keçə bilər və ölümcül hemorragik qızdırma yaradır.
Səlahiyyətlilər əhalini siçan və digər gəmiricilərlə təmasdan çəkinməyə çağırır.
