İranın hava məkanı aprelin 12-dək bağlı qalacaq.
Referans Media xəbər verir ki, bu barədə “TASS” agentliyi məlumat yayıb.
“İran üzərindəki səma uçuşlar üçün təxminən aprelin 12-dək bağlı olacaq. Bu qərar ölkənin aviasiya rəhbərliyi tərəfindən qəbul edilib”, – deyə bildirilib.
Məlumata görə, tətbiq olunan qadağa çərçivəsində yalnız dövlət, hərbi və sanitar aviasiya uçuşları, habelə axtarış-xilasetmə məqsədilə və mülki aviasiya idarəsinin xüsusi icazəsi ilə həyata keçirilən reyslər istisna təşkil edə bilər.
Qeyd edək ki, İranın hava məkanı fevralın 28-i ABŞ və İsrailin hərbi əməliyyatlara başlamasından sonra bağlanıb./Globalinfo.az
