ABŞ Dövlət Departamentinin İnfrastruktur və İnvestisiyalar üzrə Qlobal Tərəfdaşlıq Fondu adından fəaliyyət göstərən Amerikanın AECOM mühəndis-məsləhət şirkətinin əməkdaşları TRIPP layihəsi çərçivəsində ərazi araşdırmalarına başlamaq üçün Ermənistana səfər edib.
Referans Media xəbər verir ki, bu barədə ABŞ-ın Ermənistandakı səfirliyi məlumat yayıb.
Məlumata görə, görüləcək işlərə texniki-iqtisadi əsaslandırmanın hazırlanması, həmçinin Ermənistanın uzunmüddətli iqtisadi artımına, nəqliyyat infrastrukturunun inkişafına və regional inteqrasiyaya töhfə verəcək dəmir yolu və digər infrastruktur obyektlərinin tikintisi ilə bağlı təkliflərin işlənməsi daxildir.
