İran–ABŞ–İsrail qarşıdurmasında gərginlik artmaqda davam edir. ABŞ Prezidenti Donald Tramp, İrana həm razılaşma çağrısı edib, həm də sərt xəbərdarlıqla gözdağı verib. Tramp, “İranın çox gec olmadan sövdələşməsinin zamanı gəlİB. Əks halda, böyük potensialı olan ölkədən geriyə heç nə qalmayacaq” deyib.
Referans Media xəbər verir ki, ABŞ və İsrail, Tehran ilə Kereci birləşdirən B1 körpüsünü hədəf aldıb. Hücum zamanı körpünün orta hissəsi dağılıb, 8 nəfər ölüb, 95 nəfər yaralanıb. Tramp, sosial mediada bu görüntüləri paylaşaraq, İrana qarşı təhdidlərini və sövdələşmə çağırışını yeniləyib.
Trump, əvvəlki açıqlamalarında İranın hərbi infrastrukturlarını vuracaqlarını bildirib və “İranı yaxın zamanda daş dövrünə gətirəcəyik” deyərək, Hörmüz Boğazı və enerji infrastrukturuna yönəlmə ehtimalını vurğulayıb. ABŞ-ın özünün Hörmüz Boğazından neft almadığını və bunun üçün ehtiyac olmadığını da bildirib.
İran Silahlı Qüvvələri və rəhbərliyi, ABŞ və İsrailin təhdidlərinə qarşılıq verəcəyini bildirib. İbrahim Zülfikari, qarşı tərəfin “qalıcı peşmanlıq və təslimiyyətlə” üzləşəcəyini bildirib. Əli Əkbər Vilayəti isə Hörmüz Boğazının İranın düşmənlərinə və onların bazalarına bağlı qalacağını açıqlayıb.
ABŞ–İsrail hücumları 28 Fevraldan bəri davam edir. İran, İsrail və ABŞ-ın bölgədəki mövqelərinə qarşılıqlı zərbələr endirir. Bu qarşıdurmada, keçmiş İran lideri Əli Xamanei də daxil olmaqla bir sıra yüksək səviyyəli rəsmilər həyatını itirib.
