Qaz sobasının üzərinə tökülən yeməklər və sıçrayan yağlar tez təmizlənmədikdə bu sahədə qalıcı ləkələr yarada bilər. Qaz sobasının üzərindəki yağ və qalıq ləkələrindən qurtulmaq istəyənlər üçün həll təbiətə əsaslanan üsullarda gizlənib.
Yemək hazırlayarkən bəzən özümüzü çox işə verir və nəticədə sobalarda qalıcı yağ ləkələri meydana gətiririk. Bu ləkələri dərhal təmizləməsək, onların qalıcı hala gəlməsi qaçılmaz olur və əl avtomatik olaraq deterjana gedir. Lakin təbii üsullarla tanış olduqdan sonra bir daha ocaqlara yuyucu vasitə sürtmək istəməyəcəksiniz.
Təbii üsullarla yağ ləkələrinə son
Təmizlik tövsiyələri arasında yer alan bəzi təbii üsullar, soba üzərindəki yağ ləkələrini sanki silgi ilə silirmiş kimi aradan qaldırır. Ev təmizliyini asanlaşdıran bu üsullar belədir:
1. Karbonat və su qarışığı Karbonat təbiətcə yağ təmizləyicidir. Bir miqdar karbonatı az miqdarda su ilə qarışdıraraq macun halına gətirin, yağlı sahəyə sürün və 10–15 dəqiqə gözləyin. Nəmli bir parça ilə sildikdə, ləkələrin böyük ölçüdə yox olduğunu görəcəksiniz.
2. Limon suyundan faydalanmaq
Limon suyu həm təbiətcə təmizləyici, həm də qoxu aradan qaldırıcıdır. Yağlı sahələrə limon suyu sürtüb qısa müddət gözlədikdən sonra parça ilə silmək, sobanın daha təmiz və təravətli görünməsini təmin edir. Yüngül ləkələr üçün təkbaşına kifayətdir.
3. Sirkə spreyi
Sirkənin turşulu xüsusiyyəti yağ qalıqlarını parçalamağa kömək edir. Sprey şüşəsinə sirkə doldurub sobaya səpin, bir neçə dəqiqə gözləyin və sonra silin. Xüsusilə səthdə qalan yapışqan yağ qatlarında çox təsirlidir.
4. Ərəb sabunu istifadə etmək
Ərəb sabunu bitki mənşəli yağlardan hazırlanır və yağın təbiətini yaxşı tanıyır. İlıq suda həll edilmiş ərəb sabunu ilə sobanı silmək, həm səthi təmizləyir, həm də parlaq görünüş verir. Davamlı istifadə yağın səthə yapışmasını çətinləşdirir.
