Bakıda qəzada yaralanan şəxslər belə xilas edildilər – VİDEO/YENİLƏNİB

Bakıda taksi körpünün üzərində olan beton arakəsməyə çırpılıb, iki qadın xəsarət alıb.

Referans Media xəbər verir ki, bu barədə “Report”un sorğusuna cavab olaraq Respublika Təcili və Təxirəsalınmaz Tibbi Yardım Mərkəzindən bildirilib.

Məlumata görə, bu gün saat 17:00 radələrində yol-nəqliyyat hadisəsinin baş verməsi səbəbilə çağırış qeydə alınıb, dərhal əraziyə təcili tibbi yardım briqadası cəlb olunub.

Qeyd olunub ki, hadisə yerində xəsarət alan 2 qadın təcili tibbi yardım briqadası tərəfindən zəruri tibbi xidmət göstərilib və bədənin müxtəlif dərəcəli xəsarətləri diaqnozu ilə Kliniki Tibbi Mərkəzə hospitalizasiya olunub.

***

Bu gün Nəsimi rayonunda, Alı Mustafayev küçəsində körpü üzərində baş verən ağır yol-nəqliyyat hadisəsində xəsarət alan şəxslər YPX əməkdaşlarının və vətəndaşların köməyi ilə avtomobildən çıxarılıb.