Hindistanda ümumi doğuş əmsalı ilk dəfə sadə nəsil artımını təmin edən səviyyədən aşağı düşüb.
Referans Media xarici KİV-ə istinadən xəbər verir ki, ölkədə hər qadına orta hesabla 1,9 uşaq düşür. Bu göstərici vaxtilə böyük ailələr və sürətlə artan əhali ilə assosiasiya olunan Hindistanda demoqrafik mənzərənin əhəmiyyətli dərəcədə dəyişdiyini göstərir.
Mütəxəssislərin diqqət çəkdiyi əsas məqam doğum səviyyəsinin bundan sonra da aşağı düşüb-düşməyəcəyidir. Mövcud tendensiya davam edərsə, demoqrafik ətalət müəyyən müddət ərzində ölkə əhalisinin artımını davam etdirə bilər.
Lakin BMT-nin proqnozlarına əsasən, Hindistan əhalisinin sayının 2060-cı illərin əvvəllərində maksimum həddə çatacağı, bundan sonra isə əhalinin sürətlə azalacağı gözlənilir.
Beləliklə, dünyanın ən çox əhalisi olan ölkələrindən biri olan Hindistanda da aşağı doğum səviyyəsi uzunmüddətli demoqrafik problemlər sırasında yer almağa başlayır.
