Azərbaycandan Ermənistana benzin idxalı ölkə bazarında yanacaq qiymətinin 15% ucuzlaşmasına səbəb olub.
Referans Media armenpress-ə istinadla xəbər verir ki, bunu Baş nazir Nikol Paşinyan bildirib.
O bildirib: “2025-ci ilin dekabr ayının ortalarından etibarən Ermənistana Azərbaycan istehsalı olan benzin idxal olunmağa başlayıb. Azərbaycandan əsasən “Premium” markalı benzin idxal olunur. Ermənistan bazarında bu növ benzinin qiyməti 15% ucuzlaşıb”.
Paşinyan dəqələşdirib ki, 1 litr üçün qiymət 510 dram əvəzinə 430 dramdır.
Baş nazir qeyd edib ki, 2 gün əvvəl Azərbaycandan Ermənistana dizel yanacağı idxal olunub:
“Dizel yanacağı 2% ucuzlaşıb. “Regular” markalı benzinin qiyməti də dekabrla müqayisədə təxminən 8% azalıb (əvvəllər 500 dram, indi 460 dram). Bu, sülh gündəliyinin nəticələri və faydalarıdır”./”Yeni Sabah”
