Bu
gün axşam saatların Azərbaycanın Prezidenti İlham Əliyev və Ermənistanın Baş
Naziri Nikol Paşinyanın ABŞ-ın paytaxtı Vaşinqtonda görüşü baş tutacaq.
Mərhələli
şəkildə keçiriləcək görüşlər Bakı vaxtı ilə 00:15-də Tramp, İlham Əliyev, Paşinyan arasında üçtərəfli imzalanma mərasimi ilə yekunlaşacaq.
Görüşün mümkün nəticələrindən birinin Zəngəzur dəhlizinin
açılması olduğu qeyd olunur.
Görüşdə
Zəngəzur dəhlizinin açılmasına qərar veriləcəkmi? Dəhlizə nəzarət məsələsi necə
tənzimlənəcək? Vaşinqton görüşündə başqa hansı qərarlar gözlənilir?
Orta
Doğu Araşdırmalar Mərkəzinin sədri, siyasi şərhçi Sədrəddin Soltan Referans-a
açıqlamasında bu sualları cavablandıb.
“Təbii
ki, dünən və bu gün ABŞ-da keçirilən görüş Azərbaycan-Ermənistan və Azərbaycan-ABŞ
münasibətləri üçün, eləcə də Cənubi Qafqaz üçün çox əhəmiyyətli hadisədir.
Bundan əvvəl də Vaşinqtonda Azərbaycan Prezidenti İlham Əliyevlə Ermənistan Baş
Naziri Nikol Paşinyanla görüş baş tutub amma bu görüş çərçivəsində xüsusi bir sənəd
imzalanmasa da, bəyanat verildi ki, tərəflər sülh sazişi imzalamağa yaxındırlar.
Bundan sonrakı dövrdə Azərbayan və Ermənistan bildirdi ki, sülh sazişi ilə
bağlı mətn hazırdır. ABŞ rəhbərliyi Azərbaycan və Ermənistan arasında sülh
sazişinin imzalanması ilə bağlı dəstəyini bəyan etdi. Hadisələr onu göstərir
ki, ABŞ Azərbaycanla Ermənistan arasında əldə edilmiş razılığın reallaşmasına,
onun sənədlərlə təsdiq edilməsinə çalışır. Odur ki, bu gün bir sıra sənədlərin
imzalanması nəzərdə tutulsa da, həm də Azərbaycan-Ermənistan münasibətlərinin
normallaşması üçün böyük bir addım atılması gözlənilir”.
Siyasi
şərhçi qeyd edib ki, yayılan xəbərlərdən bu nəticəyə gəlmək olar ki, Azərbaycanla
Ermənistan arasında sülh sazişinin paraflanması prosesi gözlənilir. Nəticədə
ATƏT-in Minsk qrupunun təmamilə ləğv olunması, Zəngəzur yolu ilə bağlı mühüm sənədin
qəbul olunması və Azərbaycan-ABŞ arasında əməkdaşlıq məsələsi nəzərdə tutulur.
“Artıq
bunun üçün ilkin memorandum ABŞ-nin Exxon neft-qaz şirkəti ilə Azərbaycan
arasında sənədin imzalanması əməkdaşlığın inkişafından xəbər verir. Zəngəzur
yolunun açılması ilə bağlı böyük bir addımın atılacağı da istisna edilmir. Əvvəlcədən
elan edildiyi kimi hesab edirəm ki, dəhlizə nəzarət məsələsi tərəflərin
razılığı ilə ABŞ-ə verilə bilər. İndiki situasiyada Zəngəzurla bağlı yol layihəsinin
reallaşması təzyiqlər çoxdur. Bunu aradan qaldırmaq üçün həmin yolun aparıcı
birinin nəzarəti altına verilməsi digərlərinin susmasına səbəb ola bilər. Hesab
edirəm ki, avqustun 7-i və 8-də keçirilmiş görüşlər, imzalanmış sənədlər Cənubi
Qafqaz üçün, eləcə qlobal miqyasda əməkdaşlıq, iqtisadi əlaqələr, kommunikasiya
əlaqələri üçün çox böyük fürsətdir və yeni dövr üçün böyük addımın atılmasıdır”.
Fidan
Vəlisoy
