“Ceyms Uebb” teleskopunun məlumatları Neptunun daxili kiçik peyklərinin daha böyük buzlu göy cisimlərinin parçaları ola biləcəyini göstərib.
Referans Media xəbər verir ki, alimlər Larissa və Qalateyada maye suyun iştirakı ilə yaranan gilli minerallar aşkar ediblər.
Tədqiqatçılar hesab edirlər ki, material Neptunun ən böyük peyki Tritonun planet tərəfindən tutulması zamanı məhv olmuş qədim peyk sistemindən qalıb. Böyük buzlu cisimlərin daxilində formalaşan bu minerallar sonradan parçalanmış peyklərin səthinə çıxıb.
Araşdırma Science Advances jurnalında dərc olunub.
