“10 bin adım” serialının operatoru Ömər Bellinin Boğaz körpüsündən özünü atıb.
Referans Media xəbər verir ki, hadisə ötən gün gecə saatlarında baş verib. Məlumata görə, Ömər 01:00 radələrində qəzaya düşüb və sərxoş olduğu üçün sürücülük vəsiqəsi əlindən alınıb. Daha sonra taksi çağıraraq 03:00-da Boğaz körpüsündən keçərkən sürücüdən foto çəkmək üçün dayanmasını istəyib. Taksi sürücüsü dayanmadan hərəkət edərkən Ömər əyləci çəkib. O maşından düşüb və özünü körpüdən atıb.
Hazırda axtarış-xilasetmə işləri davam edir.
Qeyd edək ki, Ömər “Bodrum masalı”, “Kadın”, “Fi”, “Merdiven baba” kimi bir çox ekran işinin operatoru olub.Axşam.az
