44 günlük Vətən Müharibəsində Azərbaycan ordusunun əldə etdiyi qələbədə böyük pay sahiblərindən biri də tibb işçiləridir. Məhz onların vaxtında, ağıllı, peşəkar və öz həyatlarına riskə ataraq göstərdikləri yardımlar yüzlərlə hərbçinin həyatını xilas edib.
Referans xəbər verir ki, İTV-də yayımlanan “Görünməyən qəhrəmanlar – Ağxalatlılar” sənədli filmində tibb işçilərinin göstərdikləri qəhrəmanlıqlar öz əksini tapıb.
Məlum olub ki, tibb işçiləri erməniləri aldatmaq və hərbçilərin həyatını xilas etmək üçün ağlagəlməz üsula əl atıblar. Bunlardan biri kimi təcili tibbi yardım maşınlarının palçıqla maskalanmasını göstərmək olar.
