“Fənərbaxça” bu mövsüm tarixinin ən bahalı heyətini qurmasına baxmayaraq, hədəflədiyi uğurlardan uzaq qalıb. Böyük transfer xərcləri nəticə verməyib və komanda həm Avropada, həm də kubokda erkən vidalaşıb.
Klub bu mövsüm təxminən 142 milyon avro transfer xərci edib. Tarixinin ən bahalı heyətini formalaşdırıb. Bir neçə transfer rekordu qırıb. Buna baxmayaraq, nəticələr gözlənilən səviyyədə olmayıb.
UEFA Avropa Liqası turnirində “Nottinqem Forest” qarşısında, Türkiyə Kubokunda isə “Konyaspor” qarşısında məğlubiyyətlə turnirlərdən kənar qalıb.
“Qalatasaray” ilə davam edən çempionluq mübarizəsində “Fənərbaxça” 4 xal geridə qalıb və mövsümün sonuna az qalmış vəziyyət daha da çətinləşib.
Komanda daxilində gözlənilən performansı göstərə bilməyən transferlər, kritik səhvlər edən qapıçı performansı və böyük matçlarda yaxşı, zəif rəqiblərə qarşı xalların itirilməsi kimi problemlər tənqid olunur.
