7 noyabr 2025- ci il tarixində Sədərək Rayon Uşaq Musiqi məktəbində “Konstitusiya və Suverenlik” ili çərçivəsində 8 – noyabr Zəfər
Gününə həsr olunmuş ” Şanlı Zəfərimiz” adlı tədbir keçirilib.Tədbirdə Sədərək Rayon İcra Hakimiyyəti yanında İctimai Şuranın
müavini Vüsalə Əliyeva, Sədərək rayon Mədəniyyət şöbəsinin müdiri Malik İsmayılov, 1 ci və 2ci Qarabağ müharibəsi qaziləri, Şəhid
ailə üzvləri və məktəb kollektivi iştirak etmişdir.
Tədbirə başlamazdan əvvəl ilk öncə Ulu öndər Heydər Əliyevin və vətən uğrunda canlarından keçən şəhidlərimizin əziz xatirəsi 1
dəqiqəlik sükutla yad edilmiş, və Azərbaycan Respublikasının Dövlət Himni səsləndirilmişdir. Tədbiri giriş sözü ilə məktəbin
direktoru Vəfa Həsənova açaraq qeyd etmişdir ki, Ulu Öndərin layiqli davamçısı İlham Əliyevin yürütdüyü siyasət müasir
Azərbaycanın güclənməsinə, milli – mənəvi dəyərlərimizin ən yüksək səviyyədə qorunmasına xidmət etmişdir. 44 günlük Vətən
müharibəsində qazanılan qələbənin Azərbaycan xalqının çox əsrlik tarixinə qızıl hərflərlə yazıldığını və Xalq- Lider- Ordu birliyi
nəticəsində şanlı və tarixi Zəfərə nail olduğundan danışaraq tədbir iştirakçılarını “Zəfər Bayramı” münasibətilə təbrik
etmişdir.Daha sonra mövzu ətrafında Sədərək Rayon İcra Hakimiyyəti yanında İctimai Şuranın müavini Vüsalə Əliyeva, 1 ci Qarabağ
müharibəsi qazisi Asif Allahyarov çıxış edərək keçirilən tədbirin mahiyyətini yüksək qiymətləndirmişlər.
Tədbir məktəbin müəllim və şagirdlərinin ifasında Zəfərimizə həsr olunmuş konsert proqramı ilə başa çatmışdır.
