ABŞ prezidenti Donald Tramp İsrailin baş naziri Benyamin Netanyahu ilə bağlı diqqətçəkən açıqlama verib.
Referans Media-nın xəbərinə görə, o, Ağ Evdə Yaponiyanın baş naziri Sanae Takaiçi ilə görüşü zamanı bildirib ki, Netanyahuya İranda neft-qaz obyektlərinə zərbə endirməmək barədə xəbərdarlıq mesajı göndərib.
“Dedim ki, bunu bir daha təkrar etməsin. Netanyahu daha bu addımı atmayacaq”, – Tramp vurğulayıb.
ABŞ liderinin sözlərinə görə, Vaşinqton və Təl-Əviv müstəqil addım atsalar da, fəaliyyətlərini müəyyən dərəcədə koordinasiya edirlər.
“Bəzən Netanyahu hansısa addım atır və əgər bu mənim xoşuma gəlmirsə, ona bildirirəm”, – Tramp əlavə edib.//globalinfo.az
