2026-cı ildən etibarən Gürcüstan bazarına üç yeni aviaşirkət daxil olur.
Referans Media Gürcüstan mətbuatına istinadən xəbər verir ki, gələn ilin mart–iyun ayları ərzində ölkədə mərhələli şəkildə Etihad Airways, Condor Airlines və Norwegian aviaşirkətləri fəaliyyətə başlayacaq.
2026-cı ildən Gürcüstan aviasiya bazarında fəaliyyətə başlayacaq aviaşirkətlərin uçuş istiqamətləri və tezliklərini təqdim edirik:
- Birləşmiş Ərəb Əmirliklərinin aparıcı aviaşirkəti Etihad Airways Gürcüstan aviasiya bazarına daxil olur. İqtisadiyyat Nazirliyinin məlumatına görə, aviaşirkət Əbu-Dabi – Tbilisi – Əbu-Dabi marşrutu üzrə uçuşlara 2026-cı il martın 1-dən başlamağı planlaşdırır. Reyslər həftədə 14 dəfə həyata keçiriləcək.
- Almaniyanın Condor Airlines aviaşirkəti geri qayıdır. Nazirliyin məlumatına əsasən, aviaşirkət 2026-cı il iyunun 15-dən etibarən Frankfurt – Tbilisi – Frankfurt istiqamətində gündəlik birbaşa müntəzəm reyslər həyata keçirəcək.
- Tbilisi – Kopenhagen istiqamətində birbaşa uçuşlar başlanır. Skandinaviyanın ikinci ən böyük aviaşirkəti olan Norwegian, 2026-cı il iyunun 27-dən etibarən Danimarka Krallığı ilə Gürcüstanın paytaxtı arasında həftədə iki dəfə müntəzəm reyslər həyata keçirəcək.
