Çində keçirilən Dünya Oyunları zamanı italiyalı səmti müəyyənetmə idmançısı Mattia Debertolis faciəvi şəkildə dünyasını dəyişib.
Referans BBC-ə istinadən xəbər verir ki,29 yaşlı idmançı avqustun 8-də Çenqduda keçirilən orta məsafə yarışı zamanı yıxılaraq huşsuz vəziyyətdə tapılıb. O, dərhal xəstəxanaya çatdırılsa da, dörd gün sonra – avqustun 12-də vəfat edib. Ölüm səbəbi hələ ki, açıqlanmayıb.
Yarış günü havanın temperaturu 30°C-dən yüksək olub. Debertolis finişə çata bilməyən 12 iştirakçıdan biri kimi qeydə alınıb. O, 2022-ci il dünya çempionatının finalında 5-ci yeri tutmuşdu.
Dünya Oyunlarının təşkilatçıları idmançının ailəsinə və səmti müəyyənetmə ictimaiyyətinə dəstək göstəriləcəyini bildiriblər.(Ajans.az)
