İndoneziyanın Qərbi Kalimantan əyalətində baş verən helikopter qəzası faciə ilə nəticələnib. Qəzaya uğrayan Airbus H130 tipli helikopterdə olan 8 nəfərin hamısının həyatını itirdiyi açıqlanıb.
Referans Media xəbər verir ki, helikopter yerli vaxtla saat 07:34-də Melavi bölgəsindən havaya qalxıb. Uçuşdan təxminən bir saat sonra, saat 08:39-da helikopterlə əlaqə tamamilə itib.
Axtarış-xilasetmə qrupları itkin düşən helikopteri Qərbi Kalimantan əyalətinin Sekadau bölgəsində, çətin keçilən dağlıq ərazidə aşkar edib.
Hadisə yerində aparılan ilkin yoxlamalar nəticəsində pilot, köməkçi pilot, 6 sərnişin olmaqla ümumilikdə 8 nəfərin həyatını itirdiyi təsdiqlənib.
Hadisənin səbəbi hələlik məlum deyil. Rəsmilər qəza ilə bağlı genişmiqyaslı istintaq başladıldığını bildiriblər.
