İran İnqilab Keşikçiləri Korpusunun komandanlarından General Fədavi diqqət çəkən bir açıqlama verib. O bildirib ki, İranın su altından saniyədə 100 metr sürətlə atıla bilən raketləri mövcuddur. Bu açıqlama bölgədəki hərbi balans və mümkün qarşıdurmalar üçün ciddi bir xəbərdarlıq kimi qiymətləndirilir.
Referans Media xəbər verir ki, General Fədavi düşmən qüvvələrə xəbərdarlıq edərək deyib: “Düşmənlər diqqətli olsun! Su altından saniyədə 100 metr sürətlə fırladılan raketlərimiz var.”
Bu sürət və texniki imkan, raketlərin su altında istifadəsi ilə bağlı bölgədə yeni bir müzakirə və gərginlik yaradır.
İran İnqilab Keşikçiləri Korpusunun Dəniz Qüvvələri Komandanı Əlirza Təngsiri də bəyan edib: “İrana hücum edənlərlə əlaqəli heç bir gəminin Hörmüz Boğazından keçmək haqqı yoxdur. Şübhəniz varsa, yaxınlaşın və sınayın.”
Bu açıqlama bölgədəki gəmilərin hərəkəti və təhlükəsizlik məsələlərinə dair ciddi bir xəbərdarlıqdır.
28 fevralda ABŞ və İsrail İrana qarşı hərbi əməliyyatlara başlayıb. İran isə cavab olaraq İsrail və ABŞ-ın bəzi bazalarının yerləşdiyi ölkələr, o cümlədən Qətər, BƏƏ və Bəhreyndə müəyyən hədəflərə zərbələr endirib.
İranlı rəsmi məlumatlara görə, ABŞ-İsrail əməliyyatlarında 1332 nəfər həyatını itirib, o cümlədən İran lideri Ayətullah Əli Xamenei və digər yüksək səviyyəli rəsmilər zərər görüb.
