İsrail ilə Livan arasında elan edilən 10 günlük müvəqqəti atəşkəs rəsmən qüvvəyə minib. Razılaşmanın ABŞ-nin vasitəçiliyi ilə əldə olunduğu bildirilib.
Referans Media xəbər verir ki, 10 günlük atəşkəs Livan yerli vaxtı ilə saat 00:00-da başlayıb. Bu müddət ərzində tərəflərin hərbi əməliyyatları dayandırması nəzərdə tutulur.
ABŞ prezidenti Donald Tramp tərəflərin atəşkəs barədə razılığa gəldiyini açıqlayıb. Razılaşma bölgədə gərginliyin azaldılması istiqamətində mühüm addım kimi qiymətləndirilir.
Benyamin Netanyahu atəşkəsi qəbul etdiklərini təsdiqləsə də, İsrailin Livanın cənubunda nəzarət etdiyi ərazilərdə mövcudluğunu davam etdirəcəyini bildirib.
Bildirilib ki, atəşkəs müvəqqətidir və tərəflər arasında əsas siyasi və hərbi problemlər hələ də qalır. Buna görə bölgədə vəziyyətin həssas olduğu vurğulanır.
