İsrailin yüksək vəzifəli təhlükəsizlik rəsmisi canlı yayımda açıqlama verərək, ölkəsinin hazırkı müharibədə hədəf olaraq elan etdiyi İranın rejim dəyişikliyi planının realist olmadığını qəbul etdiyini bildirib.
Rəsmi bildirib ki, ABŞ və İsrailin hücumları yalnız İranın infrastrukturunu məhv etmək və rejimi zəiflətmək baxımından daha realistdir.
“İranın rejiminin dağılacağına dair heç bir zəmanət yoxdur, buna artıq İsrailli rəsmiləri də etiraf edirlər”, – açıqlamada deyilir.
İsrailli rəsmilər Tel-Əvivin Kanal-12 və Kanal-13 televiziyalarına açıqlamalarında bildiriblər ki, hazırkı müharibə şəraitində İranın rejimi üzərində tam nəzarət və dəyişiklik imkanı yoxdur.
Bundan əlavə, Tel-Əvivdəki siyasi dairələr ABŞ Prezidenti Donald Trampdan müharibənin yaxın zamanda sona çatacağına dair heç bir işarə almadıqlarını iddia edirlər.
İsrail Baş naziri Benyamin Netanyahu bir neçə dəfə İran xalqını rejimə qarşı etiraz etməyə çağırsa da, Tehranda qarşılıq tapmayıb.
ABŞ və İsrail fevralın 28-də İran-a hərbi zərbə endirib. İran da cavab olaraq ABŞ və müttəfiqlərinin yerləşdiyi Qatar, Birləşmiş Ərəb Əmirlikləri və Bəhreyn ərazilərindəki hədəflərə hücum edib.
