“NATO hazırda Rusiya ilə uzunmüddətli münaqişəyə hazır deyil”.
Referans Media xəbər verir ki, bunu NATO-nun dəniz qüvvələri qrupunun komandiri vitse-admiral Joquin Ruiz Eskaqedo deyib.
Onun sözlərinə görə, ittifaq ölkələri hələ də qüvvələrini artırmalıdır:
“İmkanlarımızı itirdiyimizi deməzdim, amma qüvvələrimizi mümkün qədər tez bərpa etməli və gücləndirməliyik”.
Vitse-admiral problemlərin səbəbini NATO müttəfiqləri üçün onilliklər ərzində sualtı qayıqlara qarşı müharibənin prioritet olmaması ilə əlaqələndirib:
“Çünki alyansın diqqəti İraq və Əfqanıstan kimi yerlərdə olan quru qüvvələrinə yönəlmişdi”.
