ABŞ-nin “Beynəlxalq Sülh və Rifah üçün Tramp Marşrutu” (TRIPP) layihəsinin hazırlıq mərhələsinə 140 milyon dollar investisiyası qoyulacaq.
Referans Media “TASS” agentliyinə istinadən xəbər verir ki, bu barədə Ermənistanın Baş naziri Nikol Paşinyan brifinqdə deyib.
“Amerika investisiyalarına gəldikdə isə, bildiyim qədəri ilə layihənin hazırlıq mərhələsi üçün artıq 140 milyon dollar ayrılıb. Konkret investisiyalar dəqiq layihələrin inkişafından asılı olacaq. Yəni, bu, ilkin hesablamalardan asılıdır, amma düşünürəm ki, investisiyaların əhəmiyyətli olacağı aydındır”, – deyə o, TRIPP layihəsinin 74%-nin ayrıldığı Ermənistana ABŞ investisiyalarının həcmini şərh edərkən bildirib.
TRIPP çərçivə müqaviləsinin özündə tərəflərin paylarının investisiyanın həcmi ilə müəyyən edildiyi göstərilir. Lakin Paşinyan bildirib ki, hazırda heç kim konkret investisiya rəqəmi verə bilməz. Məsələn, o bildirib ki, zəruri xərcləri müəyyən etmək üçün texniki-iqtisadi əsaslandırmalara ehtiyac var
