Rusiya Prezidenti Vladimir Putin yəhudiləri Pesax bayramı münasibətilə təbrik edib.
Referans Media xəbər verir ki, Kremlin mətbuat xidməti dövlət başçısının müraciətinin mətnini dərc edib.
Putin qeyd edib ki, bu, yəhudi xalqı üçün xüsusi bir bayramdır. Prezidentin sözlərinə görə, bu bayram sevginin, xeyirxahlığın və ədalətin qələbəsini simvolizə edir.
Pesax yəhudilər üçün ən vacib bayramlardan biri hesab olunur . Bu bayram, yəhudilərin Misirdən çıxmasına – əsrlər boyu davam edən köləlikdən azad olmalarına gətirib çıxaran hadisələrlə əlaqələndirilir.
“Pesax” adı ibrani dilində “keçmiş” və ya “gözdən qaçmış” mənasını verən “pasax” sözündən gəlir.
Yəhudilər Pesax bayramını Misirdən çıxdıqdan sonra, üç min ildən çox əvvəl qeyd etməyə başlayıblar.
2026-cı ildə Pesax bayramı 2 aprelə təsadüf edir.
