Bu gün “Reuters” agentliyi İslam Respublikasında yüksək vəzifəli bir rəsmiyə istinadən xəbər verib ki, İranda keçirilən etirazlar zamanı azı 5 min nəfər həyatını itirib.
Referans Media xəbər verir ki, adının açıqlanmasını istəməyən rəsmi bildirib ki, ölənlərdən təxminən 500-ü təhlükəsizlik qüvvələrinin üzvləri olub. O, mülki itkilərə görə məsuliyyəti “terrorçular” və “silahlı qruplar”ın üzərinə atmağa çalışıb.
Bununla belə, internetin genişmiqyaslı şəkildə kəsilməsinə baxmayaraq, ölkədən yayılan xəbərlər və videolar göstərir ki, xüsusilə 8 yanvar axşamından sonra repressiv qüvvələr etirazçılara qarşı ağır silahlar və hərbi texnikadan istifadə edib. (Independent Persian)
