İranın sonuncu şahı Məhəmmədrza Pəhləvinin oğlu Avropa Parlamentində (AP) çıxış etməyə dəvət olunmalıdır.
Referans Media “Bakupost.az”a istinadla xəbər verir ki, bunu Avropa Parlamentinin üzvü Sebastyen Tinkin “X”də yazıb.
“Şahzadə Rza Pəhləvini Avropa Parlamentində çıxış etməyə dəvət etmək məqsədilə həmkarlarım arasında parlament sədrinə müraciət üçün imza toplamağa çalışıram. İllərdir Avropa İttifaqı İslam Respublikası rəsmiləri ilə dialoq aparır. Həmin rəsmilər küçələrdə etirazçıların qətlə yetirilməsinə görə məsuliyyət daşıyırlar. Artıq cəsur iranlıların öldürülməzdən əvvəl adını qışqıraraq çağırdıqları şəxsin səsinin eşidilməsinin vaxtıdır”, – avropalı deputat bildirib.
