Türkiyənin xarici işlər naziri Hakan Fidan Antalya Diplomatiya Forumunda İsrailin Yunanıstan və Cənubi Kipr ilə qurduğu ittifaqla bağlı açıqlamalarından sonra Yunanıstanda İsrailə qarşı tənqidlər güclənib.
Yunan mediasında Atinanın İsrail siyasəti tənqid olunur, bu əməkdaşlığın ölkə üçün risklər yarada biləcəyi vurğulanır. “Ta Nea” qəzeti İsraillə hərbi əməkdaşlığın uzunmüddətli təhlükələr daşıdığını qeyd edib.
Müxalifət partiyaları SYRIZA və Yeni Sol AB-nin İsraillə razılaşmalarının ləğvini dəstəkləyib və ticarət əlaqələrinin dayandırılmasına çağırıb.
Digər media orqanları isə “soyqırım ittihamı olan ölkə ilə ittifaqın qəbuledilməz olduğunu” vurğulayaraq hökuməti tənqid edib.
