İngiltərənin Baş naziri Keir Starmer, ABŞ və İsrailin İran üzərinə başlatdığı hərbi əməliyyatların İngiltərə üçün müharibə olmadığını və ölkəsinin bu savaşa sürüklənməyəcəyini açıqlayıb. Starmer, həmçinin Hörmüz Boğazı ilə bağlı tədbirlərin görüləcəyini və müharibənin iqtisadi təsirlərini qiymətləndirmək üçün fövqəladə kabinet iclası keçirəcəyini bildirib.
“Bu bizim savaşımız deyil”
Baş nazir Starmer, Vulverhempton şəhərində partiyasının yerli seçki kampaniyasının açılışında çıxış edərək, İngiltərənin Yaxın Şərqdəki münaqişəyə hərbi müdaxilə etməyəcəyini vurğulayıb: “Bu bizim savaşımız deyil və bu savaşa sürüklənməyəcəyik.”
Starmer ölkəsinin bu vəziyyətdə mövqeyini qoruyacağını, vətəndaşlarının və bölgədəki müttəfiqlərinin müdafiəsi üçün “müdafiə məqsədli tədbirlər” alındığını qeyd edib.
Hörmüz Boğazı və iqtisadi təhlükəsizlik
Baş nazir Hörmüz Boğazının təhlükəsizliyinin təmin edilməsinin enerji qiymətlərinin sabitliyi üçün önəmli olduğunu bildirib: “Hörmüz Boğazı və bu boğazı açmaq üçün nə edə biləcəyimiz barədə çoxlu müzakirələr var. Bugün fövqəladə iclas keçirəcəyəm, müharibənin iqtisadi təsirlərini nəzərdən keçirəcək və bütün tədbirlərin düzgün həyata keçirildiyinə əmin olacağıq.”
İngiltərə, bölgədəki maraqlarını qorumaq və enerji təhlükəsizliyini təmin etmək məqsədilə diplomatik və iqtisadi tədbirləri davam etdirəcək.
