OpenAI, Google-ın Nano Banana Pro addımına cavab olaraq GPT-5.2 dəstəyi ilə çalışan yeni “ChatGPT Images” funksiyasını təqdim edib. Yeni xüsusiyyət vizuallar üzərində istənməyən sahələrə zərər vermədən daha sürətli və daha dəqiq redaktə imkanı yaradır.
Referans Media xəbər verir ki, OpenAI, Google-ın görüntü emalı texnologiyalarına cavab olaraq ChatGPT-nin yeni şəkil yaratma və redaktə imkanlarını elan edib.
Yenilik sayəsində istifadəçilər az sayda əmrlə şəkillər üzərində əlavə etmə, silmə, birləşdirmə və çevirmə əməliyyatlarını daha rahat həyata keçirə bilirlər.
Şirkət bildirir ki, sistem istifadəçi niyyətini daha düzgün anlayaraq vizual kompozisiyanı qoruyur.
Yeni funksiyaya daxil olan hazır stil seçimləri, əmrlərin daha ağıllı şərhi, eləcə də təkmilləşdirilmiş mətn və üz detalları diqqət çəkən yeniliklər sırasındadır.
Yüksək keyfiyyətli və yüksək təsvir ölçülü şəkillərin daha qısa müddətdə hazırlanmasına imkan verən ChatGPT Images, dizaynerlər və məzmun istehsalçıları üçün güclü yaradıcı alət kimi ön plana çıxır.
