Bir neçə il bundan əvvəl özəl sektorda çalışanların maaşlarından tutulan 14 faizlik gəlir vergisinə güzəşt tətbiq olunmuşdu.
Bu güzəştin müddəti bir neçə ay sonra bitir. İndi sahibkar da, işçiləri də narahatdır. Bu güzəşt ləğv olunsa, hər ikisi ziyana düşəcək.
İşçinin maaşı azalacaq, sahibkar isə ona daha yüksək maaş verməyə məcbur olacaq. Bu da onun üçün əlavə pul itkisi deməkdir.
Bu halda sahibkar maaşı qeyri-leqal yollarla verməyə meyllənə bilər. Özəl sektorda çalışanların maaşından yüksək gəlir vergisi tutulmasında məqsəd dövlət büdcəsinin gəlirlərinin artırılmasıdır. Yəni bu, dövlətin xeyrinə, sahibkar və işçilərinin ziyanınadır.
Bəs nə etməli? Mütəxəssislər nə təklif edir?
Çoxlarını narahat edən məsələyə bir də bizim nəzərimizdən baxın.
