Torpaqlarımızın işğaldan azad olunması ilə qazanılan Qələbənin hər bir səhifəsində şəhidlərimizin qanı, qazilərimizin fədakarlığı var. Onların həyatlarını Vətən naminə fəda etməsi Azərbaycan tarixinin ən müqəddəs səhifələrindən birinə çevrilib.
Vətən uğrunda canından keçən Azərbaycan övladlarının adı və xatirəsi daim yaşadacaq, onlar hər zaman gələcək nəsillər üçün örnək olacaqlar.
Referans Media xəbər verir ki, Azərbaycan xalqı bu gün də Hərbi Memorial Məzarlığına gələrək onların xatirəsini ehtiramla yad edir.
Xatırladaq ki, bu gün Vətən müharibəsinin başlamasından 6 il ötür.
