“Məktəblərdə mobil telefonlardan istifadə ilə bağlı qaydaların tətbiqinin əsas məqsədi tədris prosesinin pozulmasının qarşısını almaqdır”.
Referans Media xəbər verir ki, bu fikirləri elm və təhsil naziri Emin Əmrullayev “Sertifikatlaşdırma: səriştəli müəllim – keyfiyyətli təhsil” mövzusunda keçirilən tədbirdə deyib.
Nazir bildirin ki, şagirdlər məktəbə telefon gətirə bilər:
“Lakin dərs zamanı şagirdlərin mobil telefondan danışmaq, oyun oynamaq və ya digər məqsədlərlə istifadə etməsi təlim prosesinə mənfi təsir göstərir. Buna görə də, bu sahədə vahid qaydaların tətbiqinə ehtiyac var. Şagirdlərin məktəbə telefon gətirməsi qadağan edilmir, lakin dərs müddətində telefonlardan istifadə yolverilməzdir və onlar müəyyən edilmiş qaydalara uyğun saxlanılmalıdır. Telefondan istifadə yalnız fövqəladə və ya təxirəsalınmaz hallarda istisnalar mümkündür”.
