Milli Məclisin deputatı, parlamentin Mədəniyyət komitəsinin sədri, Azərbaycanın sabiq mədəniyyət naziri və Rusiyadakı keçmiş səfiri, Xalq artisti Polad Bülbüloğlu Bodruma yollanıb.
Referans MEDİA xəbər verir ki, Polad Bülbüloğlu bu gün Bakıdan Bodruma uçan təyyarədə sərnişinlər tərəfindən görüntülənib.
Sərnişinlərdən birinin Musavat.com-a təqdim etdiyi görüntülərdə tanınmış sənətkarın təyyarənin salonunda əyləşdiyi görünür. Məlumata görə, Polad Bülbüloğlu ilə birlikdə ailə üzvlərindən biri və iti də Bodruma gedib.
Görünən odur ki, Milli Məclisdə yay tətili dövründən istifadə edən komitə sədri istirahət üçün Türkiyənin məşhur turizm bölgələrindən olan Bodrumu seçib.
Qeyd edək ki, Polad Bülbüloğlu uzun illər Azərbaycanın mədəniyyət naziri, daha sonra isə ölkəmizin Rusiyadakı fövqəladə və səlahiyyətli səfiri vəzifələrində çalışıb. 2024-cü ildə Milli Məclisin deputatı seçilib və hazırda parlamentin Mədəniyyət komitəsinə rəhbərlik edir.
Referans MEDİA Musavat.com-a istinadən Polad Bülbüloğlunun Bakı–Bodrum reysində çəkilmiş görüntülərini təqdim edir.
